Radio Nuwe Lied is 'n bron van hoop en waarheid
Natuurlike Olyf- & Klapperolieseep en Natuurlik-Alternatiewe Gesondheid
Radio Nuwe Lied is die amptelike radiostasie by Bronkies Boeremark
Radio Nuwe Lied is 'n bron van hoop en waarheid
Nuutste Potgooie
Word Bewus Van Hierdie Politieke Opsies
(Future of Nations Conference)
​
​Ons almal kla oor die politieke situasie in die land. Is daar werkbare alternatiewe? Ja. Meer as een, om die waarheid te sê. Corné praat met Matthew Oliver, skakelbeampte by Lex Libertas, oor wat hulle doel as denkers en doeners is. Een groot, oorkoepelende antwoord vir Suid-Afrika se probleme, is desentralisering. Dit kan verskeie vorms aanneem. The Future of Nations Conference is 'n geleentheid waar jy kan kom luister na sprekers van regoor die wêreld wat gaan praat hieroor.
Daar is lokale sprekers soos Ernst Roets, Rob Hersov, Jaco Kleynhans, Princess Bhelakazi en Dawie Roodt. Dan is daar internasionale sprekers soos Stefano Forte, President van die New York Young Republican Club, Kristof Slagmulder en Tom van Grieken van Vlaams Belang, en Esma Kurtlu van Independent Institute: USA.
Die konferensie in 25 Februarie 2026 by Protea Hotel Fire & Ice in Pretoria. Vir meer inligting en om te bespreek, gaan na https://www.lexlibertas.org.za/events.
Mensehandel In SA. Is Jy Weerbaar?
(Stop Trafficking of People Onderhoud)
​
​Ek wens ons kon net oor die mooi dinge van die lewe praat, of net vermaaklike dinge beloer. Ongelukkig is daar die lelike kant van die lewe ook, en as 'n mense nie daaraan aandag gee nie, dan loop dinge verkeerd. In hierdie episode praat Corné Dannhauser met Rochelle van Stop Trafficking of People SA oor die ongemaklike onderwerp van mensehandel. Dit gebeur nie nie met mense daar vêr in ander lande nie. Suid-Afrika is ongelukkig 'n wêreldvoorloper met dinge soos mensehandel, in al sy verskeie vorme en fasette. Weet jy wat om te doen, hoe om jou kinders weerbaar te maak en hoe om te verhoed dat jou familie so iets oorkom?
Bitcoin - Finansiële Onafhanklikheid vir Algemene Suid-Afrikaners?
​
Selfstandigheid kom met 'n prys, maar ons reken die prys is die moeite werd. Jy kan kla oor die regering, die mediese vergrype, die skoolsisteem, die geldstelsel... Daar is alternatiewe maniere van dinge doen, maar die groter probleem is om mense te kry om meer selfstandig te word, meer onafhanklik van die regering. In hierdie episode van Klets met Corné praat Corné Dannhauser oor die moontlikheid om Bitcoin te gebruik as 'n algemene betaalmetode in Suid-Afrika. Is dit moontlik en wettig? Wat is die voordele en nadele? Hierdie is 'n oorsigtelike gesprek wat jou aanmoedig om verantwoordelikheid te neem vir jou eie finansies en ondersoek in te stel na moontlikhede. Die gesprek is geïnspireer deur die verslag van David Ansara van die Vryemark Stigting. Jy kan dit hier lees: David Ansara - State Proof Money
Kenners / Spesialiste
Holisties Gesond Ep 1.
Hoe Heidi in die veld van holistiese gesondheid beland het.
​
Holisties Gesond is 'n program deur die kenner, Heidi Dannhauser, oor die uitgebreide onderwerp van holistiese gesondheid. In hierdie maandelikse program gesels sy oor hoe om gesond te wees na liggaam, siel en gees, gesien vanuit 'n Christelike oogpunt. Sy is die ontwikkellaar en vervaardiger van vele produkte in hierdie veld, asook toonaangewende medisyne. Heidi word landswyd gereken en genader as kenner op hierdie produkte. Sy sit ook met dekades se ondervinding om ander te help met emosionele genesing.
Ons Storie
Radio Nuwe Lied sien die lig in 2020. Dis die resultaat van 'n behoefte om 'n mediaplatform te hê wat mense wêreldwyd in Afrikaans kan bedien, met inhoud wat gesinsvriendelik is, met 'n Christelike wêreldsbeskouing. Die inhoud moet meer bevat as net 'n 'Boekevat' gedeelte - intense lering- maar ook net lekker gemeenskapsake en ligte vermaak.
​
Radio Nuwe Lied skop af met 'n kombinasie van aanlyn tradisionele radio en potgooie. Binne maande het hulle luisteraars in 24 lande. Die radio voel trots en doen goed, maar die handjievol personeel werk hulleself in die grond in. So, aanpassings word gemaak.
​
Aangesien aanlynradio net so ver kan gaan - wie gaan nou heeldag radio luister as dit jou data op gebruik - is die eerste besluit om slegs potgooie te doen. Dit spaar 'n astronomiese hoeveelheid tyd. Tweedens doen ons weg met musiek wat tussen al die programme uitgesaai word, weereens omdat mense beter manier het om deesdae musiek te verbruik, met al die opsies van beskikbare stromingsplatforms soos Spotify, iTunes, YouTube Music en Deezer.
​
Volgende word lewende uitsendings van potgooie ook tydelik gestop. Die verskil tussen 'n regte lewende potgooi en dieselfde episode wat jy kyk of luister wanneer jy wil, is nie die moeite werd vir die hoeveelheid energie en tyd wat dit neem om dit te doen nie.
​
Om al hierdie verandering te vier, dateer Radio Nuwe Lied toe ook hulle 'look' op. Welkom by die vernuwe Radio Nuwe Lied. Dieselfde fantastiese inhoud, vars voorgesit!
.jpg)